Mera darwaza hawaaon ne hilaya hoga: Kaif Bhopali
Kaif Bhoopali's poetry is rich in emotions and contains lyrical beauty. Explores the theme of love and longing with captivating elegance. He is known as an acclaimed and immortalized poet in Urdu literature and his legacy remains as a distinguished poet. Here, we are presenting a selection of his couplets. Read and Enjoy!
zindagī shāyad isī kā naam hai
dūriyāñ majbūriyāñ tanhā.iyāñ
zindagi shayad isi ka nam hai
duriyan majburiyan tanhaiyan
-
Tag : Zindagi
tujhe kaun jāntā thā mirī dostī se pahle
tirā husn kuchh nahīñ thā mirī shā.irī se pahle
tujhe kaun jaanta tha meri dosti se pahle
tera husn kuchh nahin tha meri shairi se pahle
-
Tags : Dostiand 1 more
kaun aa.egā yahāñ koī na aayā hogā
merā darvāza havāoñ ne hilāyā hogā
kaun aaega yahan koi na aaya hoga
mera darwaza hawaon ne hilaya hoga
-
Tags : Aahatand 2 more
aag kā kyā hai pal do pal meñ lagtī hai
bujhte bujhte ek zamānā lagtā hai
aag ka kya hai pal do pal mein lagti hai
bujhte bujhte ek zamana lagta hai
saaya hai kam khajūr ke ūñche daraḳht kā
ummīd bāñdhiye na baḌe aadmī ke saath
saya hai kam khajur ke unche daraKHt ka
ummid bandhiye na baDe aadmi ke sath
-
Tags : Insaanand 2 more
maañ kī āġhosh meñ kal maut kī āġhosh meñ aaj
ham ko duniyā meñ ye do vaqt suhāne se mile
man ki aaghosh mein kal maut ki aaghosh mein aaj
hum ko duniya mein ye do waqt suhane se mile
-
Tags : Mautand 2 more
ik nayā zaḳhm milā ek na.ī umr milī
jab kisī shahr meñ kuchh yaar purāne se mile
ek naya zaKHm mila ek nai umr mili
jab kisi shahr mein kuchh yar purane se mile
-
Tag : Dost
idhar aa raqīb mere maiñ tujhe gale lagā luuñ
mirā ishq be-mazā thā tirī dushmanī se pahle
idhar aa raqib mere main tujhe gale laga lun
mera ishq be-maza tha teri dushmani se pahle
-
Tags : Ishqand 2 more
gul se lipTī huī titlī ko girā kar dekho
āñdhiyo tum ne daraḳhtoñ ko girāyā hogā
trees you may have rooted out, o storms but now this hour
lets see you drop the butterfly thats clinging to the flower
gul se lipTi hui titli ko gira kar dekho
aandhiyo tum ne daraKHton ko giraya hoga
trees you may have rooted out, o storms but now this hour
lets see you drop the butterfly thats clinging to the flower
janāb-e-'kaif' ye dillī hai 'mīr' o 'ġhālib' kī
yahāñ kisī kī taraf-dāriyāñ nahīñ chaltīñ
janab-e-'kaif' ye dilli hai 'mir' o 'ghaalib' ki
yahan kisi ki taraf-dariyan nahin chaltin
-
Tag : Delhi
'kaif' pardes meñ mat yaad karo apnā makāñ
ab ke bārish ne use toḌ girāyā hogā
'kaif' pardes mein mat yaad karo apna makan
ab ke barish ne use toD giraya hoga
-
Tags : Barishand 1 more
kuchh mohabbat ko na thā chain se rakhnā manzūr
aur kuchh un kī ināyāt ne jiine na diyā
kuchh mohabbat ko na tha chain se rakhna manzur
aur kuchh un ki inayat ne jine na diya
-
Tag : Bechaini
jis din mirī jabīñ kisī dahlīz par jhuke
us din ḳhudā shigāf mire sar meñ Daal de
jis din meri jabin kisi dahliz par jhuke
us din KHuda shigaf mere sar mein Dal de
-
Tag : Khuddari
dar-o-dīvār pe shakleñ sī banāne aa.ī
phir ye bārish mirī tanhā.ī churāne aa.ī
dar-o-diwar pe shaklen si banane aai
phir ye barish meri tanhai churane aai
-
Tag : Barish
vo din bhī haa.e kyā din the jab apnā bhī ta.alluq thā
dashahre se divālī se basantoñ se bahāroñ se
wo din bhi hae kya din the jab apna bhi talluq tha
dashahre se diwali se basanton se bahaaron se
chāhtā huuñ phūñk duuñ is shahr ko
shahr meñ in kā bhī ghar hai kyā karūñ
chahta hun phunk dun is shahr ko
shahr mein in ka bhi ghar hai kya karun
mat dekh ki phirtā huuñ tire hijr meñ zinda
ye pūchh ki jiine meñ maza hai ki nahīñ hai
mat dekh ki phirta hun tere hijr mein zinda
ye puchh ki jine mein maza hai ki nahin hai
-
Tag : Hijr
chaar jānib dekh kar sach boliye
aadmī phirte haiñ sarkārī bahut
chaar jaanib dekh kar sach boliye
aadmi phirte hain sarkari bahut
un se mil kar aur bhī kuchh baḌh ga.iiñ
uljhaneñ fikreñ qayās-ārā.iyāñ
un se mil kar aur bhi kuchh baDh gain
uljhanen fikren qayas-araiyan
thoḌā sā aks chāñd ke paikar meñ Daal de
tū aa ke jaan raat ke manzar meñ Daal de
thoDa sa aks chand ke paikar mein Dal de
tu aa ke jaan raat ke manzar mein Dal de
