New Year Shayari

aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

dekhiye paate haiñ ushshāq butoñ se kyā faiz

ik barahman ne kahā hai ki ye saal achchhā hai

dekhiye pate hain ushshaq buton se kya faiz

ek barahman ne kaha hai ki ye sal achchha hai

ik saal gayā ik saal nayā hai aane ko

par vaqt kā ab bhī hosh nahīñ dīvāne ko

ek sal gaya ek sal naya hai aane ko

par waqt ka ab bhi hosh nahin diwane ko

tū nayā hai to dikhā sub.h na.ī shaam na.ī

varna in āñkhoñ ne dekhe haiñ na.e saal ka.ī

tu naya hai to dikha subh nai sham nai

warna in aankhon ne dekhe hain nae sal kai

yakum january hai nayā saal hai

december meñ pūchhūñgā kyā haal hai

yakum january hai naya sal hai

december mein puchhunga kya haal hai

na koī rañj kā lamha kisī ke paas aa.e

ḳhudā kare ki nayā saal sab ko raas aa.e

na koi ranj ka lamha kisi ke pas aae

KHuda kare ki naya sal sab ko ras aae

purāne saal kī ThiThurī huī parchhā.iyāñ simTīñ

na.e din kā nayā sūraj ufuq par uThtā aatā hai

purane sal ki ThiThuri hui parchhaiyan simTin

nae din ka naya suraj ufuq par uThta aata hai

phir aa gayā hai ek nayā saal dosto

is baar bhī kisī se december nahīñ rukā

phir aa gaya hai ek naya sal dosto

is bar bhi kisi se december nahin ruka

ye kis ne phone pe dī sāl-e-nau kī tahniyat mujh ko

tamannā raqs kartī hai taḳhayyul gungunātā hai

ye kis ne phone pe di sal-e-nau ki tahniyat mujh ko

tamanna raqs karti hai taKHayyul gungunata hai

na.e saal meñ pichhlī nafrat bhulā deñ

chalo apnī duniyā ko jannat banā deñ

nae sal mein pichhli nafrat bhula den

chalo apni duniya ko jannat bana den

ye intizār kī ghaḌiyāñ ye shab kā sannāTā

is ek shab meñ bhare haiñ hazār saal ke din

ye intizar ki ghaDiyan ye shab ka sannaTa

is ek shab mein bhare hain hazar sal ke din

rihā kar de qafas kī qaid se ghāyal parinde ko

kisī ke dard ko is dil meñ kitne saal pālegā

riha kar de qafas ki qaid se ghayal parinde ko

kisi ke dard ko is dil mein kitne sal palega

guzishta saal koī maslahat rahī hogī

guzishta saal ke sukh ab ke saal de maulā

guzishta sal koi maslahat rahi hogi

guzishta sal ke sukh ab ke sal de maula

chehre se jhaaḌ pichhle baras kī kudūrateñ

dīvār se purānā calender utaar de

chehre se jhaD pichhle baras ki kuduraten

diwar se purana calender utar de

safar kā ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

nayā saal dīvār par Taañg de

purāne baras kā calendar girā

naya sal diwar par Tang de

purane baras ka calendar gira

mirā haath dekh barahmana mirā yaar mujh ko milegā kab

tire muñh se nikle ḳhudā kare is saal meñ isī maah meñ

mera hath dekh barahmana mera yar mujh ko milega kab

tere munh se nikle KHuda kare is sal mein isi mah mein

nayā yuuñ hai ki an-dekhā hai sab kuchh

yahāñ tak raushnī aatī kahāñ thī

naya yun hai ki an-dekha hai sab kuchh

yahan tak raushni aati kahan thi

nayā saal aayā hai ḳhushiyāñ manāo

na.e āsmānoñ se āñkheñ milāo

naya sal aaya hai KHushiyan manao

nae aasmanon se aankhen milao

ik pal kā qurb ek baras kā phir intizār

aa.ī hai january to december chalā gayā

ek pal ka qurb ek baras ka phir intizar

aai hai january to december chala gaya

mubārak mubārak nayā saal aayā

ḳhushī kā samāñ saarī duniyā pe chhāyā

mubarak mubarak naya sal aaya

KHushi ka saman sari duniya pe chhaya

abhī to achchhī lagegī kuchh din judā.ī kī rut

abhī hamāre liye ye sab kuchh nayā nayā hai

abhi to achchhi lagegi kuchh din judai ki rut

abhi hamare liye ye sab kuchh naya naya hai

palaT sī ga.ī hai zamāne kī kaayā

nayā saal aayā nayā saal aayā

palaT si gai hai zamane ki kaya

naya sal aaya naya sal aaya