Parveen Shakir - Manifestation of women's emotions through poetry

Parveen Shakir is one of the most prolific poetesses the World of Verse has ever witnessed. Her verses are filled with intricate depictions of the feminine. Here are a few selected couplets by her.

husn ke samajhne ko umr chāhiye jānāñ

do ghaḌī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

Parveen Shakir

maiñ sach kahūñgī magar phir bhī haar jā.ūñgī

vo jhuuT bolegā aur lā-javāb kar degā

main sach kahungi magar phir bhi haar jaungi

wo jhuT bolega aur la-jawab kar dega

Parveen Shakir

itne ghane bādal ke pīchhe

kitnā tanhā hogā chāñd

itne ghane baadal ke pichhe

kitna tanha hoga chand

Parveen Shakir

kuchh to havā bhī sard thī kuchh thā tirā ḳhayāl bhī

dil ko ḳhushī ke saath saath hotā rahā malāl bhī

kuchh to hawa bhi sard thi kuchh tha tera KHayal bhi

dil ko KHushi ke sath sath hota raha malal bhi

Parveen Shakir

ab to is raah se vo shaḳhs guzartā bhī nahīñ

ab kis ummīd pe darvāze se jhāñke koī

ab to is rah se wo shaKHs guzarta bhi nahin

ab kis ummid pe darwaze se jhanke koi

Parveen Shakir

vo mujh ko chhoḌ ke jis aadmī ke paas gayā

barābarī bhī hotā to sabr aa jaatā

wo mujh ko chhoD ke jis aadmi ke pas gaya

barabari ka bhi hota to sabr aa jata

Parveen Shakir

kuchh to tire mausam mujhe raas kam aa.e

aur kuchh mirī miTTī meñ baġhāvat bhī bahut thī

kuchh to tere mausam hi mujhe ras kam aae

aur kuchh meri miTTi mein baghawat bhi bahut thi

Parveen Shakir

bas ye huā ki us ne takalluf se baat

aur ham ne rote rote dupaTTe bhigo liye

bas ye hua ki us ne takalluf se baat ki

aur hum ne rote rote dupaTTe bhigo liye

Parveen Shakir

maiñ phuul chuntī rahī aur mujhe ḳhabar na huī

vo shaḳhs aa ke mire shahr se chalā bhī gayā

main phul chunti rahi aur mujhe KHabar na hui

wo shaKHs aa ke mere shahr se chala bhi gaya

Parveen Shakir

jis tarah ḳhvāb mire ho ga.e reza reza

us tarah se na kabhī TuuT ke bikhre koī

jis tarah KHwab mere ho gae reza reza

us tarah se na kabhi TuT ke bikhre koi

Parveen Shakir

laḌkiyoñ ke dukh ajab hote haiñ sukh us se ajiib

hañs rahī haiñ aur kājal bhīgtā hai saath saath

laDkiyon ke dukh ajab hote hain sukh us se ajib

hans rahi hain aur kajal bhigta hai sath sath

Parveen Shakir

ek sūraj thā ki tāroñ ke gharāne se uThā

aañkh hairān hai kyā shaḳhs zamāne se uThā

ek suraj tha ki taron ke gharane se uTha

aankh hairan hai kya shaKHs zamane se uTha

Parveen Shakir

yahī vo din the jab ik dūsre ko paayā thā

hamārī sāl-girah Thiik ab ke maah meñ hai

yahi wo din the jab ek dusre ko paya tha

hamari sal-girah Thik ab ke mah mein hai

Parveen Shakir

aks-e-ḳhushbū huuñ bikharne se na roke koī

aur bikhar jā.ūñ to mujh ko na sameTe koī

aks-e-KHushbu hun bikharne se na roke koi

aur bikhar jaun to mujh ko na sameTe koi

Parveen Shakir

us ne jaltī huī peshānī pe jab haath rakhā

ruuh tak aa ga.ī tāsīr masīhā.ī

us ne jalti hui peshani pe jab hath rakha

ruh tak aa gai tasir masihai ki

Parveen Shakir

badan ke karb ko vo bhī samajh na pā.egā

maiñ dil meñ ro.ūñgī āñkhoñ meñ muskurā.ūñgī

badan ke karb ko wo bhi samajh na paega

main dil mein roungi aankhon mein muskuraungi

Parveen Shakir

ye havā kaise uḌā le ga.ī āñchal merā

yuuñ satāne to aadat mire ghanshyām thī

ye hawa kaise uDa le gai aanchal mera

yun satane ki to aadat mere ghanshyam ki thi

Parveen Shakir

titliyāñ pakaḌne meñ duur tak nikal jaanā

kitnā achchhā lagtā hai phuul jaise bachchoñ par

titliyan pakaDne mein dur tak nikal jaana

kitna achchha lagta hai phul jaise bachchon par

Parveen Shakir

band kar ke mirī āñkheñ vo sharārat se hañse

būjhe jaane maiñ har roz tamāshā dekhūñ

band kar ke meri aankhen wo shararat se hanse

bujhe jaane ka main har roz tamasha dekhun

Parveen Shakir

sirf is takabbur meñ us ne mujh ko jiitā thā

zikr ho na us bhī kal ko nā-rasāoñ meñ

sirf is takabbur mein us ne mujh ko jita tha

zikr ho na us ka bhi kal ko na-rasaon mein

Parveen Shakir

Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

GET YOUR FREE PASS
Speak Now