khulegii us nazar pe chashm-e-tar aahista aahista kiyaa jaataa hai paanii me.n safar aahista aahista ko.ii zanjiir phir vaapas vahii.n par le ke aatii hai kaThin ho raah to chhuTtaa hai ghar aahista aahista badal denaa hai rasta yaa kahii.n par baiTh jaanaa hai ki thaktaa jaa rahaa hai ham-safar aahista aahista KHalish ke saath is dil se na merii jaa.n nikal jaa.e khi.nche tiir-e-shanaasaa.ii magar aahista aahista havaa se sar-kashii me.n phuul kaa apnaa ziyaa.n dekhaa so jhuktaa jaa rahaa hai ab ye sar aahista aahista

husn ke samajhne ko umr chaahiye jaanaa.n do gha.Dii kii chaahat me.n la.Dkiyaa.n nahii.n khultii.n

mai.n kyuu.n us ko phone karuu.n! us ke bhii to ilm me.n hogaa kal shab mausam kii pahlii baarish thii!

dushmano.n ke saath mere dost bhii aazaad hai.n dekhnaa hai khii.nchtaa hai mujh pe pahlaa tiir kaun

puuraa dukh aur aadhaa chaa.nd hijr kii shab aur aisaa chaa.nd din me.n vahshat bahal ga.ii raat hu.ii aur niklaa chaa.nd kis maqtal se guzraa hogaa itnaa sahmaa sahmaa chaa.nd yaado.n kii aabaad galii me.n ghuum rahaa hai tanhaa chaa.nd merii karvaT par jaag uTThe nii.nd kaa kitnaa kachchaa chaa.nd mere mu.nh ko kis hairat se dekh rahaa hai bholaa chaa.nd itne ghane baadal ke piichhe kitnaa tanhaa hogaa chaa.nd aa.nsuu roke nuur nahaa.e dil dariyaa tan sahraa chaa.nd itne raushan chehre par bhii suuraj kaa hai saayaa chaa.nd jab paanii me.n chehra dekhaa tuu ne kis ko sochaa chaa.nd bargad kii ik shaaKH haTaa kar jaane kis ko jhaa.nkaa chaa.nd baadal ke resham jhuule me.n bhor samay tak soyaa chaa.nd raat ke shaane par sar rakkhe dekh rahaa hai sapnaa chaa.nd suukhe patto.n ke jhurmuT par shabnam thii yaa nanhaa chaa.nd haath hilaa kar ruKHsat hogaa us kii suurat hijr kaa chaa.nd sahraa sahraa bhaTak rahaa hai apne ishq me.n sachchaa chaa.nd raat ke shaayad ek baje hai.n sotaa hogaa meraa chaa.nd

yuu.n bichha.Dnaa bhii bahut aasaa.n na thaa us se magar jaate jaate us kaa vo mu.D kar dobaara dekhnaa

bahut royaa vo ham ko yaad kar ke hamaarii zindagii barbaad kar ke palaT kar phir yahii.n aa jaa.e.nge ham vo dekhe to hame.n aazaad kar ke rihaa.ii kii ko.ii suurat nahii.n hai magar haa.n minnat-e-sayyaad kar ke badan meraa chhu.aa thaa us ne lekin gayaa hai ruuh ko aabaad kar ke har aamir tuul denaa chaahtaa hai muqarrar zulm kii mii.aad kar ke

ik naam kyaa likhaa tiraa saahil kii ret par phir umr bhar havaa se mirii dushmanii rahii

nannhii la.Dkii saahil ke itne nazdiik ret se apne ghar na banaa ko.ii sarkash mauj idhar aa.ii to tere ghar kii buniyaade.n tak bah jaa.e.ngii aur phir un kii yaad me.n tuu saarii umr udaas rahegii!

qaid me.n guzregii jo umr ba.De kaam kii thii par mai.n kyaa kartii ki zanjiir tire naam kii thii jis ke maathe pe mire baKHt kaa taara chamkaa chaa.nd ke Duubne kii baat usii shaam kii thii mai.n ne haatho.n ko hii patvaar banaayaa varna ek TuuTii hu.ii kashtii mire kis kaam kii thii vo kahaanii ki abhii suu.iyaa.n niklii.n bhii na thii.n fikr har shaKHs ko shahzaadii ke anjaam kii thii ye havaa kaise u.Daa le ga.ii aa.nchal meraa yuu.n sataane kii to aadat mire ghanshyaam kii thii bojh uThaate hu.e phirtii hai hamaaraa ab tak ai zamii.n-maa.n tirii ye umr to aaraam kii thii