Parveen Shakir's Photo'

Parveen Shakir

1952 - 1994 | Karachi, Pakistan

One of the most popular woman poets who gave expression to feelings and experiences specific to women.

One of the most popular woman poets who gave expression to feelings and experiences specific to women.

husn ke samajhne ko umr chāhiye jānāñ

do ghaḌī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

ab bhī barsāt rātoñ meñ badan TūTtā hai

jaag uThtī haiñ ajab ḳhvāhisheñ añgḌā.ī

Till even now in rainy climes, my limbs are aching, sore

The yen to stretch out languidly then comes to the fore

ab bhi barsat ki raaton mein badan TuTta hai

jag uThti hain ajab KHwahishen angDai ki

Till even now in rainy climes, my limbs are aching, sore

The yen to stretch out languidly then comes to the fore

vo to ḳhush-bū hai havāoñ meñ bikhar jā.egā

mas.ala phuul hai phuul kidhar jā.egā

wo to KHush-bu hai hawaon mein bikhar jaega

masala phul ka hai phul kidhar jaega

maiñ sach kahūñgī magar phir bhī haar jā.ūñgī

vo jhuuT bolegā aur lā-javāb kar degā

main sach kahungi magar phir bhi haar jaungi

wo jhuT bolega aur la-jawab kar dega

chalne hausla nahīñ ruknā muhāl kar diyā

ishq ke is safar ne to mujh ko niDhāl kar diyā

chalne ka hausla nahin rukna muhaal kar diya

ishq ke is safar ne to mujh ko niDhaal kar diya

ab to is raah se vo shaḳhs guzartā bhī nahīñ

ab kis ummīd pe darvāze se jhāñke koī

ab to is rah se wo shaKHs guzarta bhi nahin

ab kis ummid pe darwaze se jhanke koi

itne ghane bādal ke pīchhe

kitnā tanhā hogā chāñd

itne ghane baadal ke pichhe

kitna tanha hoga chand

ik naam kyā likhā tirā sāhil ret par

phir umr bhar havā se merī dushmanī rahī

ek nam kya likha tera sahil ki ret par

phir umr bhar hawa se meri dushmani rahi

kaise kah duuñ ki mujhe chhoḌ diyā hai us ne

baat to sach hai magar baat hai rusvā.ī

How can I say that I have been deserted by my beau

Its true but this will cause me to be shamed for evermore

kaise kah dun ki mujhe chhoD diya hai us ne

baat to sach hai magar baat hai ruswai ki

How can I say that I have been deserted by my beau

Its true but this will cause me to be shamed for evermore

dushmanoñ ke saath mere dost bhī āzād haiñ

dekhnā hai khīñchtā hai mujh pe pahlā tiir kaun

dushmanon ke sath mere dost bhi aazad hain

dekhna hai khinchta hai mujh pe pahla tir kaun

raat ke shāyad ek baje haiñ

sotā hogā merā chāñd

raat ke shayad ek baje hain

sota hoga mera chand

vo na aa.egā hameñ ma.alūm thā is shaam bhī

intizār us magar kuchh soch kar karte rahe

wo na aaega hamein malum tha is sham bhi

intizar us ka magar kuchh soch kar karte rahe

kuchh to havā bhī sard thī kuchh thā tirā ḳhayāl bhī

dil ko ḳhushī ke saath saath hotā rahā malāl bhī

kuchh to hawa bhi sard thi kuchh tha tera KHayal bhi

dil ko KHushi ke sath sath hota raha malal bhi

ham to samjhe the ki ik zaḳhm hai bhar jā.egā

kyā ḳhabar thī ki rag-e-jāñ meñ utar jā.egā

hum to samjhe the ki ek zaKHm hai bhar jaega

kya KHabar thi ki rag-e-jaan mein utar jaega

aks-e-ḳhushbū huuñ bikharne se na roke koī

aur bikhar jā.ūñ to mujh ko na sameTe koī

aks-e-KHushbu hun bikharne se na roke koi

aur bikhar jaun to mujh ko na sameTe koi

yuuñ bichhaḌnā bhī bahut āsāñ na thā us se magar

jaate jaate us vo muḌ kar dobāra dekhnā

yun bichhaDna bhi bahut aasan na tha us se magar

jate jate us ka wo muD kar dobara dekhna

bārhā terā intizār kiyā

apne ḳhvāboñ meñ ik dulhan tarah

barha tera intizar kiya

apne KHwabon mein ek dulhan ki tarah

vo kahīñ bhī gayā lauTā to mire paas aayā

bas yahī baat hai achchhī mire harjā.ī

wo kahin bhi gaya lauTa to mere pas aaya

bas yahi baat hai achchhi mere harjai ki

bahut se log the mehmān mere ghar lekin

vo jāntā thā ki hai ehtimām kis ke liye

bahut se log the mehman mere ghar lekin

wo jaanta tha ki hai ehtimam kis ke liye

bas ye huā ki us ne takalluf se baat

aur ham ne rote rote dupaTTe bhigo liye

bas ye hua ki us ne takalluf se baat ki

aur hum ne rote rote dupaTTe bhigo liye

kamāl-e-zabt ko ḳhud bhī to āzmā.ūñgī

maiñ apne haath se us dulhan sajā.ūñgī

kamal-e-zabt ko KHud bhi to aazmaungi

main apne hath se us ki dulhan sajaungi

us ke yuuñ tark-e-mohabbat sabab hogā koī

nahīñ ye māntā vo bevafā pahle se thā

us ke yun tark-e-mohabbat ka sabab hoga koi

ji nahin ye manta wo bewafa pahle se tha

darvāza jo kholā to nazar aa.e khaḌe vo

hairat hai mujhe aaj kidhar bhuul paḌe vo

darwaza jo khola to nazar aae khaDe wo

hairat hai mujhe aaj kidhar bhul paDe wo

kuchh to tire mausam mujhe raas kam aa.e

aur kuchh mirī miTTī meñ baġhāvat bhī bahut thī

kuchh to tere mausam hi mujhe ras kam aae

aur kuchh meri miTTi mein baghawat bhi bahut thi

vo mujh ko chhoḌ ke jis aadmī ke paas gayā

barābarī bhī hotā to sabr aa jaatā

wo mujh ko chhoD ke jis aadmi ke pas gaya

barabari ka bhi hota to sabr aa jata

apne qātil zehānat se pareshān huuñ maiñ

roz ik maut na.e tarz ījād kare

apne qatil ki zehanat se pareshan hun main

roz ek maut nae tarz ki ijad kare

laḌkiyoñ ke dukh ajab hote haiñ sukh us se ajiib

hañs rahī haiñ aur kājal bhīgtā hai saath saath

laDkiyon ke dukh ajab hote hain sukh us se ajib

hans rahi hain aur kajal bhigta hai sath sath

paas jab tak vo rahe dard thamā rahtā hai

phailtā jaatā hai phir aañkh ke kājal tarah

pas jab tak wo rahe dard thama rahta hai

phailta jata hai phir aankh ke kajal ki tarah

kaañp uThtī huuñ maiñ ye soch ke tanhā.ī meñ

mere chehre pe tirā naam na paḌh le koī

kanp uThti hun main ye soch ke tanhai mein

mere chehre pe tera nam na paDh le koi

haath mere bhuul baiThe dastakeñ dene fan

band mujh par jab se us ke ghar darvāza huā

hath mere bhul baiThe dastaken dene ka fan

band mujh par jab se us ke ghar ka darwaza hua

jugnū ko din ke vaqt parakhne zid kareñ

bachche hamāre ahd ke chālāk ho ga.e

jugnu ko din ke waqt parakhne ki zid karen

bachche hamare ahd ke chaalak ho gae

mumkina faisloñ meñ ek hijr faisla bhī thā

ham ne to ek baat us ne kamāl kar diyā

mumkina faislon mein ek hijr ka faisla bhi tha

hum ne to ek baat ki us ne kamal kar diya

ek sūraj thā ki tāroñ ke gharāne se uThā

aañkh hairān hai kyā shaḳhs zamāne se uThā

ek suraj tha ki taron ke gharane se uTha

aankh hairan hai kya shaKHs zamane se uTha

raa.e pahle se banā ne

dil meñ ab ham tire ghar kyā karte

rae pahle se bana li tu ne

dil mein ab hum tere ghar kya karte

baat vo aadhī raat raat vo puure chāñd

chāñd bhī ain chait us pe tirā jamāl bhī

baat wo aadhi raat ki raat wo pure chand ki

chand bhi ain chait ka us pe tera jamal bhi

kabhī kabhār use dekh leñ kahīñ mil leñ

ye kab kahā thā ki vo ḳhush-badan hamārā ho

kabhi kabhaar use dekh len kahin mil len

ye kab kaha tha ki wo KHush-badan hamara ho

dene vaale mashiyyat pe hai sab kuchh mauqūf

māñgne vaale hājat nahīñ dekhī jaatī

dene wale ki mashiyyat pe hai sab kuchh mauquf

mangne wale ki hajat nahin dekhi jati

hārne meñ ik anā baat thī

jiit jaane meñ ḳhasārā aur hai

haarne mein ek ana ki baat thi

jit jaane mein KHasara aur hai

badaltā hai to be-sāḳhta merī āñkheñ

apne hāthoñ lakīroñ se ulajh jaatī haiñ

tu badalta hai to be-saKHta meri aankhen

apne hathon ki lakiron se ulajh jati hain

maiñ us dastaras meñ huuñ magar vo

mujhe merī razā se māñgtā hai

main us ki dastaras mein hun magar wo

mujhe meri raza se mangta hai

maiñ phuul chuntī rahī aur mujhe ḳhabar na huī

vo shaḳhs aa ke mire shahr se chalā bhī gayā

main phul chunti rahi aur mujhe KHabar na hui

wo shaKHs aa ke mere shahr se chala bhi gaya

abr barse to ināyat us

shāḳh to sirf duā kartī hai

abr barse to inayat us ki

shaKH to sirf dua karti hai

us ne mujhe dar-asl kabhī chāhā nahīñ thā

ḳhud ko de kar ye bhī dhokā, dekh liyā hai

us ne mujhe dar-asl kabhi chaha hi nahin tha

KHud ko de kar ye bhi dhoka, dekh liya hai

kāñToñ meñ ghire phuul ko chuum aa.egī lekin

titlī ke paroñ ko kabhī chhilte nahīñ dekhā

kanTon mein ghire phul ko chum aaegi lekin

titli ke paron ko kabhi chhilte nahin dekha

yahī vo din the jab ik dūsre ko paayā thā

hamārī sāl-girah Thiik ab ke maah meñ hai

yahi wo din the jab ek dusre ko paya tha

hamari sal-girah Thik ab ke mah mein hai

kal raat jo īñdhan ke liye kaT ke girā hai

chiḌiyoñ ko bahut pyaar thā us būḌhe shajar se

kal raat jo indhan ke liye kaT ke gira hai

chiDiyon ko bahut pyar tha us buDhe shajar se

gavāhī kaise TūTtī muāmla ḳhudā thā

mirā aur us rābta to haath aur duā thā

gawahi kaise TuTti muamla KHuda ka tha

mera aur us ka rabta to hath aur dua ka tha

kū-ba-kū phail ga.ī baat shanāsā.ī

us ne ḳhushbū tarah merī pazīrā.ī

The news of our affinity has spread to every door

He welcomed me like fragrance which he did adore

ku-ba-ku phail gai baat shanasai ki

us ne KHushbu ki tarah meri pazirai ki

The news of our affinity has spread to every door

He welcomed me like fragrance which he did adore

kuchh faisla to ho ki kidhar jaanā chāhiye

paanī ko ab to sar se guzar jaanā chāhiye

kuchh faisla to ho ki kidhar jaana chahiye

pani ko ab to sar se guzar jaana chahiye

badan ke karb ko vo bhī samajh na pā.egā

maiñ dil meñ ro.ūñgī āñkhoñ meñ muskurā.ūñgī

badan ke karb ko wo bhi samajh na paega

main dil mein roungi aankhon mein muskuraungi