Top 10 couplets of Azeez Lakhnavi

apne markaz kī taraf mā.il-e-parvāz thā husn

bhūltā hī nahīñ aalam tirī añgḌā.ī kā

apne markaz ki taraf mail-e-parwaz tha husn

bhulta hi nahin aalam teri angDai ka

paidā vo baat kar ki tujhe ro.eñ dūsre

ronā ḳhud apne haal pe ye zaar zaar kyā

paida wo baat kar ki tujhe roen dusre

rona KHud apne haal pe ye zar zar kya

zabān dil kī haqīqat ko kyā bayāñ kartī

kisī kā haal kisī se kahā nahīñ jaatā

zaban dil ki haqiqat ko kya bayan karti

kisi ka haal kisi se kaha nahin jata

lutf-e-bahār kuchh nahīñ go hai vahī bahār

dil hī ujaḌ gayā ki zamāna ujaḌ gayā

lutf-e-bahaar kuchh nahin go hai wahi bahaar

dil hi ujaD gaya ki zamana ujaD gaya

hijr kī raat kāTne vaale

kyā karegā agar sahar na huī

hijr ki raat kaTne wale

kya karega agar sahar na hui

tum ne chheḌā to kuchh khule ham bhī

baat par baat yaad aatī hai

tum ne chheDa to kuchh khule hum bhi

baat par baat yaad aati hai

vahī hikāyat-e-dil thī vahī shikāyat-e-dil

thī ek baat jahāñ se bhī ibtidā karte

wahi hikayat-e-dil thi wahi shikayat-e-dil

thi ek baat jahan se bhi ibtida karte

tumheñ hañste hue dekhā hai jab se

mujhe rone kī aadat ho ga.ī hai

tumhein hanste hue dekha hai jab se

mujhe rone ki aadat ho gai hai

musībat thī hamāre hī liye kyuuñ

ye maanā ham jiye lekin jiye kyuuñ

musibat thi hamare hi liye kyun

ye mana hum jiye lekin jiye kyun

dil kī ālūdgī-e-zaḳhm baḌhī jaatī hai

saañs letā huuñ to ab ḳhuun kī bū aatī hai

dil ki aaludgi-e-zaKHm baDhi jati hai

sans leta hun to ab KHun ki bu aati hai