چھوٹا ہوا گھر

جانتی ہوں کہ دور ایک گھر سے

زندگی کی خوشی جا چکی ہے

رو رہا ہے وہاں کوئی بچہ

جس کی ماں چھوڑ کر جا چکی ہے

ہر گھڑی ذہن میں دوڑتا ہے

نقش بستر کہ ہے خالی و سرد

نقش اس ہاتھ کا جس نے ڈھالا

ایک پیکر وہاں باغم و درد

دیکھتی ہوں کنار بخاری

سایہ اس کا ہے کمزور و لرزاں

سایہ ان بازوؤں کا کہ جن کو

زندگی چھوڑ دینا تھا آساں

دور سوتا ہے غمگین بچہ

خستہ و پیر دایہ کے بر میں

دودھ قالیں کے پھولوں میں ہے جذب

سرنگوں ایک پیالی پڑی ہے

رہ گئی ہے کھلی ایک کھڑکی

رنگ پھولوں کا اڑنے لگا ہے

پردہ افتادہ شانے پہ در کے

آب گلدان سوکھا پڑا ہے

آنکھیں بلی کی ہیں سردوبے نور

نرم بوجھل قدم رکھ رہی ہے

شمع کا شعلۂ آخریں ہے

گویا اب ہچکیاں لے رہی ہے

جانتی ہوں کہ دور ایک گھر سے

زندگی کی خوشی جا چکی ہے

رو رہا ہے وہاں کوئی بچہ

جس کی ماں چھوڑ کر جا چکی ہے

آہ میں خستہ جان و پریشاں

اپنی دھن میں چلی جا رہی ہوں

یار من شعر و دلدار من شعر

جا رہی ہوں کہ بس اس کو پا لوں