'مر رہی ہے میری زبان' سے اقتباس

مر رہی ہے میری زبان

کیوں کہ زندہ رہنا چاہتے ہیں

میری زبان کے لوگ

زندہ رہنا چاہتے ہیں

میری زبان کے لوگ

اس شرط پہ بھی

کہ زبان مرتی ہے تو مر جائے

کیا آدمی کا زندہ رہنا

زیادہ ضروری ہے

یا زبان کا؟

ہاں جانتا ہوں

آپ کہیں گے

اس شرط پہ جو آدمی زندہ رہے گا

وہ زندہ تو ہوگا

مگر کیا وہ آدمی ہوگا؟

آپ مجھے جذباتی کرنے کی کوشش نہ کرو

آپ خود بتاؤ

اب جب

دانے دانے کے اوپر

کھانے والے کا نام بھی

آپ کا خدا انگریزی میں ہی لکھتا ہے

تو کون سے بے رحم والدین چاہیں گے

کہ ان کا بچہ

ایک ڈوب رہی زبان کے سفینے پہ بیٹھا رہے

جیتا رہے میرا بچہ

مرتی ہے تو مر جائے

آپ کی بوڑھی زبان!