محبت

ہمارا یہ عقیدہ ہے جہاں سچی محبت ہو

وہاں کوئی رکاوٹ دو دلوں میں آ نہیں سکتی

محبت وہ نہیں ہے جو بدل جائے بدلنے پر

خزاں میں بھی محبت کی کلی مرجھا نہیں سکتی

محبت ہے کسی مضبوط سے مینار کی صورت

جسے طوفان ٹکر مار کر لرزا نہیں سکتے

محبت ہے وہ اک اونچا ستارہ جس کی رفعت کی

ہمیں ہو کچھ خبر لیکن حقیقت پا نہیں سکتے

گلابی ہونٹ اور گالوں کی رعنائی نہیں رہتی

حسیں چہرے نہیں رہتے دل آرائی نہیں رہتی

محبت وقت کی رفتار سے آزاد ہے لیکن

محبت پر قضا کی کار فرمائی نہیں رہتی

محبت کے سوا دنیا کی ہر اک چیز فانی ہے

یہ ایک ایسی حقیقت ہے جو ہر عاقل نے مانی ہے