سوانح

نال میں گانٹھ دے کر دائی نے کہا

پیڑے کھلاؤ بھئی پیڑے کھلاؤ

کان کی لو میں سوئی چبھو کر سنار نے کہا

دو روپیے ہوئے دو روپیے

بازو پر ٹیکہ لگا کر نرس نے کہا

بالکل درد نہیں ہوگا بالکل

پھنو کو ناپ کر ببلو نے کہا

تیرے سے میرا بڑا ہے تیرے سے

پیٹھ میں گھونسہ لگا کر ببلو نے کہا

تیرے اور میرے باپ کی کشتی ہوئی تو

ٹھوکر مار کر ببلو نے کہا

روتی صورت کہیں کے روتی صورت

ٹانگ میں ٹانگ پھنسا کر بنو نے کہا

سائیکل سائیکل کھلیں گے سائیکل سائیکل

ناف پر تھوک لگا کر بنو نے کہا

ڈاکٹر ڈاکٹر کھلیں گے ڈاکٹر ڈاکٹر

ران میں چٹکی لے کر بنو نے کہا

لحاف میں آ جاؤ لحاف میں

سر پر چپت لگا کر ایک ماسٹر نے کہا

سینتیس ڈھیا کتنے سینتیس ڈھیا

کان اینٹھ کر ایک ماسٹر نے کہا

شیفلڈ شہر کہاں ہے شیفلڈ

ران پر ہاتھ پھیر کر ایک ماسٹر نے کہا

امرائی میں چلو امرائی میں

گردن گھما کر نائی نے کہا

ہلنا نہیں صاحب ہلنا نہیں

سینے سے ٹیپ لگا کر درزی نے کہا

اکتیس انچ صرف اکتیس انچ

پاؤں کو جوتے میں گھسیڑ کر موچی نے کہا

پہن پہن کر ڈھیلا ہو جائے گا پہن پہن کر

پیٹھ پر لد کر بچے نے کہا

گھوڑے گھوڑے ٹک ٹک گھوڑے گھوڑے

پیٹ میں پاؤں دے کر باس نے کہا

کوئی علاج نہیں مسٹر کوئی علاج نہیں

پکڑ کر بیوی نے کہا

کاٹ ڈالوں گی ایک دن کاٹ ڈالوں گی

فوطے پر لائٹ ڈال کر ایک ڈاکٹر نے کہا

ہائیڈروسل یقیناً ہائیڈروسل

پیر میں پن چبھو کر ایک ڈاکٹر نے کہا

لیپریسی یقیناً لپریسی

پیٹ کو تھپتھپا کر ایک ڈاکٹر نے کہا

السر السر یقیناً السر

پاؤں کو ٹھوکر لگا کر ایک نے کہا

سوری یار سوری

آنکھوں میں چھاتا بھونک کر ایک نے کہا

معاف کرنا بھائی معاف کرنا

جسم پر ٹرک چڑھا کر ایک نے کہا

دکھتا نہیں مادر چود دکھتا نہیں