سوچا تھا میں نے تو یہی

سوچا تھا میں نے تو یہی

ہے ختم اب میرا سفر

اتنی ہی تھی مجھ میں سکت

اور راہ اب مسدود ہے

زاد سفر بھی ختم ہے

اور وقت وہ آیا ہے اب

خاموش گمنامی ہی ہے

میری پناہ

پر ایسا لگتا ہے مجھے

تجھ کو ہی اس کا علم ہے

میری نہیں ہے انتہا

جتنے پرانے لفظ ہیں

دم توڑتے ہیں لب پہ جب

دل کی تہوں سے پھوٹ کر

نغمے نکلتے ہیں نئے

اور جب پرانے راستے

کھو جائیں خاک و گرد میں

تو ملک پھر کوئی نیا

اپنے عجائب کو لیے

کھلتا ہے روئے ارض پر