سنا یہ ہے بنا کرتے ہیں جوڑے آسمانوں پر

تو یہ سمجھیں کہ ہر بیوی بلائے آسمانی ہے

الفاظ کی ادائیگی طرز بیان سیکھ

کرنا اگر ہے عشق تو اردو زبان سیکھ

دو سگی بہنوں کی دو گنجوں سے شادی ہو گئی

اور یہ بے زلف بھی ہم زلف کہلانے لگے

دل کو کسی کی یاد سے خالی نہ کیجیے

آسیب رہنے لگتے ہیں خالی مکان میں

پروفیسر یہ اردو کے جو اردو سے کماتے ہیں

اسی پیسے سے بچوں کو یہ انگریزی پڑھاتے ہیں

کریں گے آنکھ مٹکا وہ کیا پڑوسن سے

جو لوگ اپنی ہی بیوی کو ڈر کے دیکھتے ہیں

نقصان ہو رہا ہے بہت کاروبار میں

ابا پڑے ہیں جب سے پڑوسن کے پیار میں

اس سے پہلے ادھار تو مانگے

میں ترا شہر چھوڑ جاؤں گا

محبتوں میں تو کچھ بھی پتا نہیں لگتا

بہت برا ہے وہ پھر بھی برا نہیں لگتا

خدا کا شکر ہے چکر کئی سے ہیں اپنے

بس ایک بیوی پہ دار و مدار تھوڑی ہے

سو کوششوں سے آئے تھے چندیا پہ چار بال

دو آرزو میں کٹ گئے دو انتظار میں

جب سے مکاں بدل گئیں دونوں پڑوسنیں

لگتا نہیں ہے جی مرا اجڑے دیار میں

گئے زمانے کی باتیں ہیں شکل اور صورت

بس اب تو اہل نظر خم کمر کے دیکھتے ہیں

تعلقات بھی ریشم کی طرح ہوتے ہیں

الجھ گئے تو سرا عمر بھر نہیں ملتا

میں ہی تم کو پھوٹی آنکھ نہیں بھاتی

تم نے سب سے پیار کے پیچ لڑائے ہیں