āsmānoñ meñ uḌā karte haiñ phūle phūle

halke logoñ ke baḌe kaam havā kartī hai

aasmanon mein uDa karte hain phule phule

halke logon ke baDe kaam hawa karti hai

apne jalne kā hamesha se tamāshā.ī huuñ

aag ye kis ne lagā.ī mujhe ma.alūm nahīñ

apne jalne ka hamesha se tamashai hun

aag ye kis ne lagai mujhe malum nahin

samajhte hī nahīñ haiñ log nā-samjhī kī mushkil ko

suhūlat dekhte haiñ aur samajhnā chhoḌ dete haiñ

samajhte hi nahin hain log na-samjhi ki mushkil ko

suhulat dekhte hain aur samajhna chhoD dete hain

kam ma.arka-e-zīst nahīñ jang-e-uhad se

asbāb-e-jahāñ māl-e-ġhanīmat kī tarah hai

kam marka-e-zist nahin jang-e-uhad se

asbab-e-jahan mal-e-ghanimat ki tarah hai

hamāre dil ko ab tāqat nahīñ sadme uThāne kī

bahut bhāne lage jo us se milnā chhoḌ dete haiñ

hamare dil ko ab taqat nahin sadme uThane ki

bahut bhane lage jo us se milna chhoD dete hain