achchhā tirī nazar meñ bahut muḳhtalif huuñ maiñ

ya.anī tirī nazar meñ koī dūsrā bhī hai

achchha teri nazar mein bahut muKHtalif hun main

yani teri nazar mein koi dusra bhi hai

milī haiñ sūkhte dariyā ko bahr kī lahreñ

tire gilass meñ paanī piyā hai shahzādī

mili hain sukhte dariya ko bahr ki lahren

tere gilass mein pani piya hai shahzadi

saarī hisoñ kī Dor samā.at ko sauñp kar

is dil pe kaan rakh ki ḳhudā boltā bhī hai

sari hison ki Dor samaat ko saunp kar

is dil pe kan rakh ki KHuda bolta bhi hai

tumhārī yaad kī shiddat meñ bahne vaalā ashk

zamīñ meñ bo diyā jaa.e to aañkh ug aa.e

tumhaari yaad ki shiddat mein bahne wala ashk

zamin mein bo diya jae to aankh ug aae

vo mujh ko dekhne mere qarīb aayā hai

ye dhund saare mahīnoñ meñ kyuuñ nahīñ paḌtī

wo mujh ko dekhne mere qarib aaya hai

ye dhund sare mahinon mein kyun nahin paDti