Today's top 5 Urdu Shayari

ḳhud ko bikharte dekhte haiñ kuchh kar nahīñ paate haiñ

phir bhī log ḳhudāoñ jaisī bāteñ karte haiñ

KHud ko bikharte dekhte hain kuchh kar nahin pate hain

phir bhi log KHudaon jaisi baaten karte hain

husn ke samajhne ko umr chāhiye jānāñ

do ghaḌī kī chāhat meñ laḌkiyāñ nahīñ khultīñ

husn ke samajhne ko umr chahiye jaanan

do ghaDi ki chahat mein laDkiyan nahin khultin

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

zehn meñ yaad ke ghar TūTne lagte haiñ 'shahāb'

log ho jaate haiñ jī jī ke purāne kitne

zehn mein yaad ke ghar TuTne lagte hain 'shahab'

log ho jate hain ji ji ke purane kitne

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae