آج کے منتخب ۵ شعر

مرے ہر عمل کو سراہ کر یہ اذیتیں نہ دیا کرو

مری جان تم بھی عجیب ہو تمہیں روٹھنا بھی تو چاہئے

دنیا نے تجربات و حوادث کی شکل میں

جو کچھ مجھے دیا ہے وہ لوٹا رہا ہوں میں

کوئی کیوں کسی کا لبھائے دل کوئی کیا کسی سے لگائے دل

وہ جو بیچتے تھے دوائے دل وہ دکان اپنی بڑھا گئے

ابھی نہ چھیڑ محبت کے گیت اے مطرب

ابھی حیات کا ماحول خوش گوار نہیں

میں تو مسجد سے چلا تھا کسی کعبہ کی طرف

دکھ تو یہ ہے کہ عبادت مری بد نام ہوئی