ٹاپ 5 اردو شاعری| ریختہ

ترک تعلقات پہ رویا نہ تو نہ میں

لیکن یہ کیا کہ چین سے سویا نہ تو نہ میں

خالد احمد

وہ زہر دیتا تو سب کی نگہ میں آ جاتا

سو یہ کیا کہ مجھے وقت پہ دوائیں نہ دیں

اختر نظمی

اٹھے ہیں ہاتھ تو اپنے کرم کی لاج بچا

وگرنہ میری دعا کیا مری طلب کیا ہے

صدیق مجیبی

زہر میٹھا ہو تو پینے میں مزا آتا ہے

بات سچ کہیے مگر یوں کہ حقیقت نہ لگے

فضیل جعفری

قربتیں ہوتے ہوئے بھی فاصلوں میں قید ہیں

کتنی آزادی سے ہم اپنی حدوں میں قید ہیں

سلیم کوثر

آج کے منتخب ۵ شعر