Today's top 5 Urdu Shayari

ham jis ke ho ga.e vo hamārā na ho sakā

yuuñ bhī huā hisāb barābar kabhī kabhī

hum jis ke ho gae wo hamara na ho saka

yun bhi hua hisab barabar kabhi kabhi

zarā ruuTh jaane pe itnī ḳhushāmad

'qamar' tum bigāḌoge aadat kisī kī

zara ruTh jaane pe itni KHushamad

'qamar' tum bigaDoge aadat kisi ki

kahānī likhte hue dāstāñ sunāte hue

vo so gayā hai mujhe ḳhvāb se jagāte hue

kahani likhte hue dastan sunate hue

wo so gaya hai mujhe KHwab se jagate hue

mohabbat kī sazā tark-e-mohabbat

mohabbat kā yahī in.aam bhī hai

mohabbat ki saza tark-e-mohabbat

mohabbat ka yahi inam bhi hai

un kā jo farz hai vo ahl-e-siyāsat jāneñ

merā paiġhām mohabbat hai jahāñ tak pahuñche

un ka jo farz hai wo ahl-e-siyasat jaanen

mera paigham mohabbat hai jahan tak pahunche