Today's top 5 Urdu Shayari

is tarah zindagī ne diyā hai hamārā saath

jaise koī nibāh rahā ho raqīb se

is tarah zindagi ne diya hai hamara sath

jaise koi nibah raha ho raqib se

had hai apnī taraf nahīñ maiñ bhī

aur un kī taraf ḳhudā.ī hai

had hai apni taraf nahin main bhi

aur un ki taraf KHudai hai

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

ik baar us ne mujh ko dekhā thā muskurā kar

itnī to hai haqīqat baaqī kahāniyāñ haiñ

ek bar us ne mujh ko dekha tha muskura kar

itni to hai haqiqat baqi kahaniyan hain

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein