Today's top 5 Urdu Shayari

TuuTe but masjid banī mismār but-ḳhāna huā

jab to ik sūrat bhī thī ab saaf vīrāna huā

TuTe but masjid bani mismar but-KHana hua

jab to ek surat bhi thi ab saf virana hua

koī pāband-e-mohabbat hī batā saktā hai

ek dīvāne kā zanjīr se rishta kyā hai

koi paband-e-mohabbat hi bata sakta hai

ek diwane ka zanjir se rishta kya hai

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

sadā aish daurāñ dikhātā nahīñ

gayā vaqt phir haath aatā nahīñ

sada aish dauran dikhata nahin

gaya waqt phir hath aata nahin

tasadduq is karam ke maiñ kabhī tanhā nahīñ rahtā

ki jis din tum nahīñ aate tumhārī yaad aatī hai

tasadduq is karam ke main kabhi tanha nahin rahta

ki jis din tum nahin aate tumhaari yaad aati hai