Today's top 5 Urdu Shayari

kab lauTā hai bahtā paanī bichhḌā sājan rūThā dost

ham ne us ko apnā jaanā jab tak haath meñ dāmāñ thā

kab lauTa hai bahta pani bichhDa sajan ruTha dost

hum ne us ko apna jaana jab tak hath mein daman tha

charāġh-e-rāhguzar laakh tābnāk sahī

jalā ke apnā diyā raushnī makān meñ lā

charagh-e-rahguzar lakh tabnak sahi

jala ke apna diya raushni makan mein la

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

ek aañsū ne Duboyā mujh ko un kī bazm meñ

buuñd bhar paanī se saarī aabrū paanī huī

ek aansu ne Duboya mujh ko un ki bazm mein

bund bhar pani se sari aabru pani hui

jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate