Today's top 5 Urdu Shayari

maiñ munaqqash huuñ tirī ruuh kī dīvāroñ par

tū miTā saktā nahīñ bhūlne vaale mujh ko

main munaqqash hun teri ruh ki diwaron par

tu miTa sakta nahin bhulne wale mujh ko

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

saa.e haiñ agar ham to ho kyuuñ ham se gurezāñ

dīvār agar haiñ to girā kyuuñ nahīñ dete

sae hain agar hum to ho kyun hum se gurezan

diwar agar hain to gira kyun nahin dete

sun to sahī jahāñ meñ hai terā fasāna kyā

kahtī hai tujh ko ḳhalq-e-ḳhudā ġhā.ebāna kyā

sun to sahi jahan mein hai tera fasana kya

kahti hai tujh ko KHalq-e-KHuda ghaebana kya

gilā bhī tujh se bahut hai magar mohabbat bhī

vo baat apnī jagah hai ye baat apnī jagah

gila bhi tujh se bahut hai magar mohabbat bhi

wo baat apni jagah hai ye baat apni jagah