ٹاپ 5 اردو شاعری| ریختہ

کہیں زمیں سے تعلق نہ ختم ہو جائے

بہت نہ خود کو ہوا میں اچھالیے صاحب

راجندر ناتھ رہبر

محبت رنگ دے جاتی ہے جب دل دل سے ملتا ہے

مگر مشکل تو یہ ہے دل بڑی مشکل سے ملتا ہے

جلیل مانک پوری

کمر باندھے ہوئے چلنے کو یاں سب یار بیٹھے ہیں

بہت آگے گئے باقی جو ہیں تیار بیٹھے ہیں

انشا اللہ خاں انشا

باہر باہر سناٹا ہے اندر اندر شور بہت

دل کی گھنی بستی میں یارو آن بسے ہیں چور بہت

عمر انصاری

منزل پہ بھی پہنچ کے میسر نہیں سکوں

مجبور اس قدر ہیں شعور سفر سے ہم

کرامت علی کرامت

آج کے منتخب ۵ شعر