Today's top 5 Urdu Shayari

muflisī siiñ ab zamāne kā rahā kuchh haal na.iiñ

āsmāñ charḳhī ke juuñ phirtā hai lekin maal na.iiñ

muflisi sin ab zamane ka raha kuchh haal nain

aasman charKHi ke jun phirta hai lekin mal nain

anhonī kuchh zarūr huī dil ke saath aaj

nādān thā magar ye divānā kabhī na thā

anhoni kuchh zarur hui dil ke sath aaj

nadan tha magar ye diwana kabhi na tha

ab duāoñ ke liye uThte nahīñ haiñ haath bhī

be-yaqīnī kā to aalam thā magar aisā na thā

ab duaon ke liye uThte nahin hain hath bhi

be-yaqini ka to aalam tha magar aisa na tha

maiñ ne māñgī thī ujāle kī faqat ek kiran

tum se ye kis ne kahā aag lagā dī jaa.e

main ne mangi thi ujale ki faqat ek kiran

tum se ye kis ne kaha aag laga di jae

ishq kī choT kā kuchh dil pe asar ho to sahī

dard kam ho yā ziyāda ho magar ho to sahī

ishq ki choT ka kuchh dil pe asar ho to sahi

dard kam ho ya ziyaada ho magar ho to sahi