ٹاپ 5 اردو شاعری| ریختہ

ہر خدا جنتوں میں ہے محدود

کوئی سنسار تک نہیں پہنچا

اجے سحاب

دشت کی دھوپ ہے جنگل کی گھنی راتیں ہیں

اس کہانی میں بہر حال کئی باتیں ہیں

جاوید ناصر

ہم تو تمام عمر تری ہی ادا رہے

یہ کیا ہوا کہ پھر بھی ہمیں بے وفا رہے

جمیل ملک

اوروں کی برائی کو نہ دیکھوں وہ نظر دے

ہاں اپنی برائی کو پرکھنے کا ہنر دے

خلیل تنویر

اے شمع تجھ پہ رات یہ بھاری ہے جس طرح

میں نے تمام عمر گزاری ہے اس طرح

ناطقؔ لکھنوی

آج کے منتخب ۵ شعر