Today's top 5 Urdu Shayari

aah kartā huuñ to aate haiñ pasīne un ko

naala kartā huuñ to rātoñ ko vo Dar jaate haiñ

aah karta hun to aate hain pasine un ko

nala karta hun to raaton ko wo Dar jate hain

ajab terī hai ai mahbūb sūrat

nazar se gir ga.e sab ḳhūbsūrat

ajab teri hai ai mahbub surat

nazar se gir gae sab KHubsurat

agar dard-e-mohabbat se na insāñ āshnā hotā

na kuchh marne kā ġham hotā na jiine kā mazā hotā

agar dard-e-mohabbat se na insan aashna hota

na kuchh marne ka gham hota na jine ka maza hota

abhī haiñ qurb ke kuchh aur marhale baaqī

ki tujh ko pā ke hameñ phir tirī tamannā hai

abhi hain qurb ke kuchh aur marhale baqi

ki tujh ko pa ke hamein phir teri tamanna hai

rah ga.ī hai kuchh kamī to kyā shikāyat hai 'fahīm'

is jahāñ meñ sab adhūre haiñ mukammal kaun hai

rah gai hai kuchh kami to kya shikayat hai 'fahim'

is jahan mein sab adhure hain mukammal kaun hai