Today's top 5 Urdu Shayari

aql kahtī hai dobāra āzmānā jahl hai

dil ye kahtā hai fareb-e-dost khāte jā.iye

aql kahti hai dobara aazmana jahl hai

dil ye kahta hai fareb-e-dost khate jaiye

faqat nigāh se hotā hai faisla dil kā

na ho nigāh meñ shoḳhī to dilbarī kyā hai

faqat nigah se hota hai faisla dil ka

na ho nigah mein shoKHi to dilbari kya hai

us shaḳhs ke ġham kā koī andāza lagā.e

jis ko kabhī rote hue dekhā na kisī ne

us shaKHs ke gham ka koi andaza lagae

jis ko kabhi rote hue dekha na kisi ne

ik aag hamārī muntazir hai

ik aag se ham nikal rahe haiñ

ek aag hamari muntazir hai

ek aag se hum nikal rahe hain

kis kis ko batā.eñge judā.ī kā sabab ham

tū mujh se ḳhafā hai to zamāne ke liye aa

kis kis ko bataenge judai ka sabab hum

tu mujh se KHafa hai to zamane ke liye aa