Today's top 5 Urdu Shayari

ek muddat se tirī yaad bhī aa.ī na hameñ

aur ham bhuul ga.e hoñ tujhe aisā bhī nahīñ

ek muddat se teri yaad bhi aai na hamein

aur hum bhul gae hon tujhe aisa bhi nahin

bikhrī huī vo zulf ishāroñ meñ kah ga.ī

maiñ bhī sharīk huuñ tire hāl-e-tabāh meñ

bikhri hui wo zulf ishaaron mein kah gai

main bhi sharik hun tere haal-e-tabah mein

alfāz na āvāz na hamrāz na dam-sāz

ye kaise dorāhe pe maiñ ḳhāmosh khaḌī huuñ

alfaz na aawaz na hamraaz na dam-saz

ye kaise dorahe pe main KHamosh khaDi hun

mirī nigāh meñ kuchh aur DhūñDne vaale

tirī nigāh meñ kuchh aur DhūñDtā huuñ maiñ

meri nigah mein kuchh aur DhunDne wale

teri nigah mein kuchh aur DhunDta hun main

'vasīm' dekhnā muḌ muḌ ke vo usī kī taraf

kisī ko chhoḌ ke jaanā bhī to nahīñ aayā

'wasim' dekhna muD muD ke wo usi ki taraf

kisi ko chhoD ke jaana bhi to nahin aaya