Today's top 5 Urdu Shayari

terī tābish se raushan haiñ gul bhī aur vīrāne bhī

kyā tū bhī is hañstī-gātī duniyā kā mazdūr hai chāñd?

teri tabish se raushan hain gul bhi aur virane bhi

kya tu bhi is hansti-gati duniya ka mazdur hai chand?

roz dīvār meñ chun detā huuñ maiñ apnī anā

roz vo toḌ ke dīvār nikal aatī hai

roz diwar mein chun deta hun main apni ana

roz wo toD ke diwar nikal aati hai

dāman ashkoñ se tar kareñ kyūñ-kar

raaz ko mushtahar kareñ kyūñ-kar

daman ashkon se tar karen kyun-kar

raaz ko mushtahar karen kyun-kar

vo ḳhush-kalām hai aisā ki us ke paas hameñ

tavīl rahnā bhī lagtā hai muḳhtasar rahnā

wo KHush-kalam hai aisa ki us ke pas hamein

tawil rahna bhi lagta hai muKHtasar rahna

aise lamhe bhī guzāre haiñ tirī furqat meñ

jab tirī yaad bhī is dil pe girāñ guzrī hai

aise lamhe bhi guzare hain teri furqat mein

jab teri yaad bhi is dil pe giran guzri hai