ٹاپ 5 اردو شاعری| ریختہ

چلا تھا میں تو سمندر کی تشنگی لے کر

ملا یہ کیسا سرابوں کا سلسلہ مجھ کو

عرفی آفاقی

آدمی جان کے کھاتا ہے محبت میں فریب

خود فریبی ہی محبت کا صلہ ہو جیسے

اقبال عظیم

میلے کپڑوں کا اپنا رنگ بھی تھا

پھر بھی قسمت میں جگ ہنسائی تھی

اختر ہوشیارپوری

کس قدر بد نامیاں ہیں میرے ساتھ

کیا بتاؤں کس قدر تنہا ہوں میں

انور شعور

اقرار ہے کہ دل سے تمہیں چاہتے ہیں ہم

کچھ اس گناہ کی بھی سزا ہے تمہارے پاس

حسرتؔ موہانی

آج کے منتخب ۵ شعر