Today's top 5 Urdu Shayari

shahr kā tabdīl honā shaad rahnā aur udaas

raunaqeñ jitnī yahāñ haiñ auratoñ ke dam se haiñ

shahr ka tabdil hona shad rahna aur udas

raunaqen jitni yahan hain auraton ke dam se hain

tū aag meñ ai aurat zinda bhī jalī barsoñ

sāñche meñ har ik ġham ke chup-chāp Dhalī barsoñ

tu aag mein ai aurat zinda bhi jali barson

sanche mein har ek gham ke chup-chap Dhali barson

bint-e-havvā huuñ maiñ ye mirā jurm hai

aur phir shā.erī to kaḌā jurm hai

bint-e-hawwa hun main ye mera jurm hai

aur phir shaeri to kaDa jurm hai

jis ko tum kahte ho ḳhush-baḳht sadā hai mazlūm

jiinā har daur meñ aurat kā ḳhatā hai logo

jis ko tum kahte ho KHush-baKHt sada hai mazlum

jina har daur mein aurat ka KHata hai logo

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

hum ko miTa sake ye zamane mein dam nahin

hum se zamana KHud hai zamane se hum nahin