Today's top 5 Urdu Shayari

māzī-e-marhūm kī nākāmiyoñ kā zikr chhoḌ

zindagī kī fursat-e-bāqī se koī kaam le

mazi-e-marhum ki nakaamiyon ka zikr chhoD

zindagi ki fursat-e-baqi se koi kaam le

vo jo pyāsā lagtā thā sailāb-zada thā

paanī paanī kahte kahte Duub gayā hai

wo jo pyasa lagta tha sailab-zada tha

pani pani kahte kahte Dub gaya hai

bikhre hue the log ḳhud apne vajūd meñ

insāñ kī zindagī kā ajab bandobast thā

bikhre hue the log KHud apne wajud mein

insan ki zindagi ka ajab bandobast tha

hijr kī shab nāla-e-dil vo sadā dene lage

sunñe vaale raat kaTne kī duā dene lage

hijr ki shab nala-e-dil wo sada dene lage

sunne wale raat kaTne ki dua dene lage

ik ḳhauf-zada sā shaḳhs ghar tak

pahuñchā ka.ī rāstoñ meñ baT kar

ek KHauf-zada sa shaKHs ghar tak

pahuncha kai raston mein baT kar