Today's top 5 Urdu Shayari

ġhairoñ se to fursat tumheñ din raat nahīñ hai

haañ mere liye vaqt-e-mulāqāt nahīñ hai

ghairon se to fursat tumhein din raat nahin hai

han mere liye waqt-e-mulaqat nahin hai

terī baḳhshish ke bharose pe ḳhatā.eñ kī haiñ

terī rahmat ke sahāre ne gunahgār kiyā

teri baKHshish ke bharose pe KHataen ki hain

teri rahmat ke sahaare ne gunahgar kiya

zāhid sharāb piine se kāfir huā maiñ kyuuñ

kyā DeḌh chullū paanī meñ īmān bah gayā

zahid sharab pine se kafir hua main kyun

kya DeDh chullu pani mein iman bah gaya

tamannāoñ meñ uljhāyā gayā huuñ

khilaune de ke bahlāyā gayā huuñ

tamannaon mein uljhaya gaya hun

khilaune de ke bahlaya gaya hun

sadā ek hī ruḳh nahīñ naav chaltī

chalo tum udhar ko havā ho jidhar kī

sada ek hi ruKH nahin naw chalti

chalo tum udhar ko hawa ho jidhar ki