Today's top 5 Urdu Shayari

ik silsila havas kā hai insāñ kī zindagī

is ek musht-e-ḳhāk ko ġham do-jahāñ ke haiñ

ek silsila hawas ka hai insan ki zindagi

is ek musht-e-KHak ko gham do-jahan ke hain

dil kī bisāt kyā thī nigāh-e-jamāl meñ

ik ā.īna thā TuuT gayā dekh-bhāl meñ

dil ki bisat kya thi nigah-e-jamal mein

ek aaina tha TuT gaya dekh-bhaal mein

ye kis maqām pe pahuñchā diyā zamāne ne

ki ab hayāt pe terā bhī iḳhtiyār nahīñ

ye kis maqam pe pahuncha diya zamane ne

ki ab hayat pe tera bhi iKHtiyar nahin

tafrīq husn-o-ishq ke andāz meñ na ho

lafzoñ meñ farq ho magar āvāz meñ na ho

tafriq husn-o-ishq ke andaz mein na ho

lafzon mein farq ho magar aawaz mein na ho

hamesha ḳhūn-e-dil royā huuñ maiñ lekin salīqe se

na qatra āstīñ par hai na dhabbā jaib o dāman par

hamesha KHun-e-dil roya hun main lekin saliqe se

na qatra aastin par hai na dhabba jaib o daman par