Today's top 5 Urdu Shayari

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se

kab Thahregā dard ai dil kab raat basar hogī

sunte the vo ā.eñge sunte the sahar hogī

kab Thahrega dard ai dil kab raat basar hogi

sunte the wo aaenge sunte the sahar hogi

tahrīr se varna mirī kyā ho nahīñ saktā

ik tū hai jo lafzoñ meñ adā ho nahīñ saktā

tahrir se warna meri kya ho nahin sakta

ek tu hai jo lafzon mein ada ho nahin sakta

is tarah rahbar ne luuTā kārvāñ

ai 'fanā' rahzan ko bhī sadma huā

is tarah rahbar ne luTa karwan

ai 'fana' rahzan ko bhi sadma hua

apne kisī amal pe nadāmat nahīñ mujhe

thā nek-dil bahut jo gunahgār mujh meñ thā

apne kisi amal pe nadamat nahin mujhe

tha nek-dil bahut jo gunahgar mujh mein tha