Today's top 5 Urdu Shayari

ḳhabar-e-tahayyur-e-ishq sun na junūñ rahā na parī rahī

na to tū rahā na to maiñ rahā jo rahī so be-ḳhabarī rahī

KHabar-e-tahayyur-e-ishq sun na junun raha na pari rahi

na to tu raha na to main raha jo rahi so be-KHabari rahi

kyā ajab kār-e-tahayyur hai supurd-e-nār-e-ishq

ghar meñ jo thā bach gayā aur jo nahīñ thā jal gayā

kya ajab kar-e-tahayyur hai supurd-e-nar-e-ishq

ghar mein jo tha bach gaya aur jo nahin tha jal gaya

pilā sāqiyā mai-e-jāñ pilā ki maiñ lā.ūñ phir ḳhabar-e-junūñ

ye ḳhirad kī raat chhaTe kahīñ nazar aa.e phir sahar-e-junūñ

pila saqiya mai-e-jaan pila ki main laun phir KHabar-e-junun

ye KHirad ki raat chhaTe kahin nazar aae phir sahar-e-junun

ye kaisā dasht-e-tahayyur hai yaañ se kuuch karo

hamāre paañv se raftār khīñchtā hai koī

ye kaisa dasht-e-tahayyur hai yan se kuch karo

hamare panw se raftar khinchta hai koi

sab karishmāt-e-tasavvur haiñ 'shakīl'

varna aatā hai na jaatā hai koī

sab karishmat-e-tasawwur hain 'shakil'

warna aata hai na jata hai koi