Today's top 5 Urdu Shayari

ghar meñ ḳhud ko qaid to maiñ ne aaj kiyā hai

tab bhī tanhā thā jab mahfil mahfil thā maiñ

ghar mein KHud ko qaid to main ne aaj kiya hai

tab bhi tanha tha jab mahfil mahfil tha main

mujh meñ hai yahī aib ki auroñ kī tarah maiñ

chehre pe kabhī dūsrā chehrā nahīñ rakhtā

mujh mein hai yahi aib ki auron ki tarah main

chehre pe kabhi dusra chehra nahin rakhta

us ne apnā banā ke chhoḌ diyā

kyā asīrī hai kyā rihā.ī hai

us ne apna bana ke chhoD diya

kya asiri hai kya rihai hai

itnī kāvish bhī na kar merī asīrī ke liye

tū kahīñ merā giraftār na samjhā jaa.e

itni kawish bhi na kar meri asiri ke liye

tu kahin mera giraftar na samjha jae

tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai