Today's top 5 Urdu Shayari

na paak hogā kabhī husn o ishq kā jhagḌā

vo qissa hai ye ki jis kā koī gavāh nahīñ

na pak hoga kabhi husn o ishq ka jhagDa

wo qissa hai ye ki jis ka koi gawah nahin

baaqī hai ab bhī tark-e-tamannā kī aarzū

kyūñkar kahūñ ki koī tamannā nahīñ mujhe

baqi hai ab bhi tark-e-tamanna ki aarzu

kyunkar kahun ki koi tamanna nahin mujhe

yuuñ bhī tirā ehsān hai aane ke liye aa

ai dost kisī roz na jaane ke liye aa

yun bhi tera ehsan hai aane ke liye aa

ai dost kisi roz na jaane ke liye aa

ḳhudā ke vāste is ko na Toko

yahī ik shahr meñ qātil rahā hai

KHuda ke waste is ko na Toko

yahi ek shahr mein qatil raha hai

usī kā shahr vahī mudda.ī vahī munsif

hameñ yaqīñ thā hamārā qusūr niklegā

usi ka shahr wahi muddai wahi munsif

hamein yaqin tha hamara qusur niklega