Today's top 5 Urdu Shayari

kyā koī na.ī baat nazar aatī hai ham meñ

ā.īna hameñ dekh ke hairān sā kyuuñ hai

kya koi nai baat nazar aati hai hum mein

aaina hamein dekh ke hairan sa kyun hai

tum ye kahte ho ki maiñ ġhair huuñ phir bhī shāyad

nikal aa.e koī pahchān zarā dekh to lo

tum ye kahte ho ki main ghair hun phir bhi shayad

nikal aae koi pahchan zara dekh to lo

vaise to tumhīñ ne mujhe barbād kiyā hai

ilzām kisī aur ke sar jaa.e to achchhā

waise to tumhin ne mujhe barbaad kiya hai

ilzam kisi aur ke sar jae to achchha

koshish bhī kar umiid bhī rakh rāsta bhī chun

phir is ke ba.ad thoḌā muqaddar talāsh kar

koshish bhi kar umid bhi rakh rasta bhi chun

phir is ke baad thoDa muqaddar talash kar

us se bichhaḌte vaqt maiñ royā thā ḳhūb-sā

ye baat yaad aa.ī to pahroñ hañsā kiyā

us se bichhaDte waqt main roya tha KHub-sa

ye baat yaad aai to pahron hansa kiya