Today's top 5 Urdu Shayari

hameñ ma.ashūq ko apnā banānā tak nahīñ aatā

banāne vaale ā.īna banā lete haiñ patthar se

hamein mashuq ko apna banana tak nahin aata

banane wale aaina bana lete hain patthar se

vafā kareñge nibāheñge baat māneñge

tumheñ bhī yaad hai kuchh ye kalām kis kā thā

wafa karenge nibahenge baat manenge

tumhein bhi yaad hai kuchh ye kalam kis ka tha

kuchh is tarah se guzārī hai zindagī jaise

tamām umr kisī dūsre ke ghar meñ rahā

kuchh is tarah se guzari hai zindagi jaise

tamam umr kisi dusre ke ghar mein raha

nazar-navāz nazāra badal na jaa.e kahīñ

zarā sī baat hai muñh se nikal na jaa.e kahīñ

nazar-nawaz nazara badal na jae kahin

zara si baat hai munh se nikal na jae kahin

yā vo the ḳhafā ham se yā ham haiñ ḳhafā un se

kal un kā zamāna thā aaj apnā zamānā hai

ya wo the KHafa hum se ya hum hain KHafa un se

kal un ka zamana tha aaj apna zamana hai