Today's top 5 Urdu Shayari

koī aur to nahīñ hai pas-e-ḳhanjar-āzmā.ī

hamīñ qatl ho rahe haiñ hamīñ qatl kar rahe haiñ

koi aur to nahin hai pas-e-KHanjar-azmai

hamin qatl ho rahe hain hamin qatl kar rahe hain

kohkan kyā pahāḌ toḌegā

ishq ne zor-āzmā.ī kī

kohkan kya pahaD toDega

ishq ne zor-azmai ki

mehnat se hai azmat ki zamāne meñ nagīñ ko

be-kāvish-e-sīna na kabhī nāmvarī dī

mehnat se hai azmat ki zamane mein nagin ko

be-kawish-e-sina na kabhi namwari di

kabhī yak-ba-yak tavajjoh kabhī daf.atan taġhāful

mujhe aazmā rahā hai koī ruḳh badal badal kar

kabhi yak-ba-yak tawajjoh kabhi dafatan taghaful

mujhe aazma raha hai koi ruKH badal badal kar

saarī izzat naukrī se is zamāne meñ hai 'mehar'

jab hue be-kār bas tauqīr aadhī rah ga.ī

sari izzat naukri se is zamane mein hai 'mehar'

jab hue be-kar bas tauqir aadhi rah gai