Today's top 5 Urdu Shayari

saaya hai kam khajūr ke ūñche daraḳht kā

ummīd bāñdhiye na baḌe aadmī ke saath

saya hai kam khajur ke unche daraKHt ka

ummid bandhiye na baDe aadmi ke sath

mehñdī lagāne kā jo ḳhayāl aayā aap ko

sūkhe hue daraḳht hinā ke hare hue

mehndi lagane ka jo KHayal aaya aap ko

sukhe hue daraKHt hina ke hare hue

hai tā-hadd-e-imkāñ koī bastī na bayābāñ

āñkhoñ meñ koī ḳhvāb dikhā.ī nahīñ detā

hai ta-hadd-e-imkan koi basti na bayaban

aankhon mein koi KHwab dikhai nahin deta

dil kī taklīf kam nahīñ karte

ab koī shikva ham nahīñ karte

dil ki taklif kam nahin karte

ab koi shikwa hum nahin karte

ye mohabbat kī kahānī nahīñ martī lekin

log kirdār nibhāte hue mar jaate haiñ

ye mohabbat ki kahani nahin marti lekin

log kirdar nibhate hue mar jate hain