Today's top 5 Urdu Shayari

dozaḳh o jannat haiñ ab merī nazar ke sāmne

ghar raqīboñ ne banāyā us ke ghar ke sāmne

dozaKH o jannat hain ab meri nazar ke samne

ghar raqibon ne banaya us ke ghar ke samne

banjāre haiñ rishtoñ kī tijārat nahīñ karte

ham log dikhāve kī mohabbat nahīñ karte

banjare hain rishton ki tijarat nahin karte

hum log dikhawe ki mohabbat nahin karte

dil dhaḌakne kā sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

ai ham-nafas na pūchh javānī kā mājrā

mauj-e-nasīm thī idhar aa.ī udhar ga.ī

ai ham-nafas na puchh jawani ka majra

mauj-e-nasim thi idhar aai udhar gai

nazākat us gul-e-rānā kī dekhiyo 'inshā'

nasīm-e-sub.h jo chhū jaa.e rañg ho mailā

nazakat us gul-e-rana ki dekhiyo 'insha'

nasim-e-subh jo chhu jae rang ho maila