gar shaiḳh ne aah kī to mat bhuul

dil meñ patthar ke bhī sharar hai

gar shaiKH ne aah ki to mat bhul

dil mein patthar ke bhi sharar hai

kahiyo ḳhud-bīñ se ki ā.īne meñ tanhā mat baiTh

ḳhatar aaseb kā rahtā hai parī-ḳhāne meñ

kahiyo KHud-bin se ki aaine mein tanha mat baiTh

KHatar aaseb ka rahta hai pari-KHane mein

muqābil ho hamāre kasb-e-taqlīdī se kyā tāqat

abhī ham mahv kar dete haiñ ā.īne ko ik hū meñ

muqabil ho hamare kasb-e-taqlidi se kya taqat

abhi hum mahw kar dete hain aaine ko ek hu mein

nahīñ ma.alūm dil meñ baiTh ke kaun

chashm kī dūrbīñ se dekhe hai

nahin malum dil mein baiTh ke kaun

chashm ki durbin se dekhe hai

tū ne kyā dekhā nahīñ gul kā pareshāñ ahvāl

ġhuncha kyuuñ aiñThā huā rahtā hai zardār kī tarah

tu ne kya dekha nahin gul ka pareshan ahwal

ghuncha kyun ainTha hua rahta hai zardar ki tarah