Shayari of Abdul Mannan Tarzi

kyā yahāñ dekhiye kyā vahāñ dekhiye

aap hī aap haiñ ab jahāñ dekhiye

kya yahan dekhiye kya wahan dekhiye

aap hi aap hain ab jahan dekhiye

ik qayāmat hai aap kā va.ada

chaliye ye bhī azaab ho jaa.e

ek qayamat hai aap ka wada

chaliye ye bhi azab ho jae

ḳhuun jab ashk meñ Dhaltā hai ġhazal hotī hai

jab bhī dil rañg badaltā hai ġhazal hotī hai

KHun jab ashk mein Dhalta hai ghazal hoti hai

jab bhi dil rang badalta hai ghazal hoti hai

dard kā silsila hai jahāñ tak

dil kī jāgīr hogī vahāñ tak

dard ka silsila hai jahan tak

dil ki jagir hogi wahan tak

terī yādoñ ke lamhe bhī bedard the

tujh ko mujh se churāte rahe rāt-bhar

teri yaadon ke lamhe bhi bedard the

tujh ko mujh se churaate rahe raat-bhar

himmat-e-tark-e-vafā Duub ga.ī

kis ne āñkhoñ meñ utārā dariyā

himmat-e-tark-e-wafa Dub gai

kis ne aankhon mein utara dariya

Tags : Dariya
and 2 more
- Eyes
- Wafa

lutf-e-sohbat matā-e-ulfat hai

kuchh kaho aur kuchh suno pyāre

lutf-e-sohbat mata-e-ulfat hai

kuchh kaho aur kuchh suno pyare

ai asīr-e-ġham sāhil idhar aa

biich dhāre se pukārā dariyā

ai asir-e-gham sahil idhar aa

bich dhaare se pukara dariya

Tags : Dariya
and 1 more
- Gham

is kashmakash meñ terī galī se pare rahe

aa.e kahāñ pe harf kahāñ par na aa.e harf

is kashmakash mein teri gali se pare rahe

aae kahan pe harf kahan par na aae harf

nām-levā tumhārā hai 'tarzī'

aadmī kī tarah milo pyāre

nam-lewa tumhaara hai 'tarzi'

aadmi ki tarah milo pyare

Abdul Mannan Tarzi

ALL

Profile

E-book47

Sher10

Ghazal24

Nazm1

Video5

E-book47

Sher of Abdul Mannan Tarzi

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books