عزیز احمد کے افسانے

باغبان

’’یہ باغ کی دیکھ بھال کرنے والے ایک مالی کی کہانی ہے، جو اس باغ کے ہر پیڑ پودے سے اپنے بچوں کی طرح محبت کرتا ہے۔ وہ دل جان سے ان کی دیکھ بھال کرتا ہے اور اسی کام میں اپنی پوری زندگی گزار دیتا ہے۔ مالی کے بڑھاپے میں جب باغ کا مالک باغ کو کسی نئے آدمی کو بیچ دیتا ہے تو وہ مالی نئے مالک سے درخواست کرتا ہے کہ مرنے کے بعد وہ اس کی قبر بھی اسی باغ میں بنوا دے۔‘‘

مدن سینا اور صدیاں

’’یہ افسانہ ایک ایسی داستان بیان کرتا ہے جس سے ہمارے معاشرے کی عظیم اور مشہور رومانی داستانوں نے ترغیب لی ہے۔ چاہے وہ شیریں فرہاد ہو یا پھر ہیر رانجھا۔ ان طرح کی سبھی کہانیوں کی تحریک مدن سینا، دھرم دت اور سمندر دت کی کہانی رہی ہے۔ مدن سینا، جس سےمحبت تو دھرم دت کرتا ہے، مگر اس کی شادی سمندر گپت سے ہو جاتی ہے۔‘‘

دیاسلائی کی اہمیت

’’یہ ایک ایسے ہندوستانی کی کہانی ہے، جس کی ملاقات ٹرین میں دوران سفر ایک امریکن لڑکی سے ہو جاتی ہے۔ اس کے بعد اتفاق سے ان دونوں کو ایک ہی ہوٹل میں کمرا بھی مل جاتا ہے۔ شام کے کھانے کے دوران جب وہ اسے چومنا چاہتا ہے تو امریکن لڑکی اس کے منہ پر ایک زوردار تھپڑ رسید کر دیتی ہے۔‘‘

زرخرید

یہ کہانی ہمارے سامنے ہندوستانی معاشرے میں ذات پات کے مسخ شدہ چہرے کو پیش کرتی ہے۔ شیریں ایک بہت خوبصورت پارسی لڑکی ہے، جس کا ایک امیر جوہری کے ساتھ تعلق ہوتا ہے۔ شیریں کے بارے میں کئی کہانیاں مشہور تھیں۔ لیکن سچ یہ تھا کہ اس کا اس جوہری کے ساتھ ایک سال سے تعلق ہے۔ جوہری نے شیریں سے شادی نہ کرکے اپنی ہی برادری کی لڑکی سے شادی کی تھی۔

بے کار دن، بے کار راتیں

کہانی آزادی اور تقسیم سے پہلے کے ہندوستانی سماج کے اعلیٰ طبقہ کی عیش و آرام اور عیاشیوں کی داستان بیان کرتی ہے۔ ایک شخص اپنے راجہ دوست کے کہنے پر بمبئی کی سیر کے لیے جاتا ہے۔ وہاں وہ اعلی طبقے کی ایسی عیش و آرام اور عیاشی دیکھتا ہے کہ اسے وہاں بیتتے دن اور راتیں بالکل بیکار نظر آنے لگتی ہیں۔

ڈبل لائف

’’ایک ایسی لڑکی کی کہانی، جو پیار تو کرتی ہے لیکن اظہار کرنے سے ڈرتی ہے۔ اسے اپنے نام، عزت اور کردار کی بہت پروا ہوتی ہے۔ وہ اس کے ساتھ اپنے رشتوں کو محض دوستی کا نام دیتی ہے۔ مگر جب وہ کسی دوسری لڑکی کے ساتھ گھومنے جاتا ہے تو اسے یہ بھی برداشت نہیں ہوتا۔ آخرکار وہ اپنی ہر چیز سے بے پروا ہوکر اس سے اپنی محبت کا اظہار کر دیتی ہے۔‘‘

جادو کا پہاڑ

’’یہ ایک شوہر کی اپنی بیوی کے لیے بےوفا ہو جانے کی کہانی ہے۔ کملا اپنی دوست اورشوہر کے ساتھ مسوری گھومنے جاتی ہے۔ سفر کے دوران اسے لگتا ہے کہ اس کی دوست اور شوہر کے درمیان کچھ چل رہا ہے۔ وہ نظر انداز کر دیتی ہے۔ مگر مسوری میں جب وہ چھپ کر ان دونوں کو اپنی آنکھوں سے دیکھ لیتی ہے تو اسے اپنے شوہر سے نفرت ہو جاتی ہے۔‘‘

پاپوش

’’حیدر آباد کے ایک ایسےجاگیردار کی کہانی ہے، جو اپنی بیوی سکینہ بیگم کی مخالفت کے باوجود گھر کی نوکرانی کی بیٹی سے گاؤں جاکر متعہ (نکاح) کر لیتا ہے۔ اس نکاح کے بعد وہ اصرار کرکے سکینہ بیگم کو بھی گاؤں لے جاتا ہے۔ مگر وہاں دونوں بیویوں کے درمیان ایسا جھگڑا ہوتا ہے کہ سکینہ بیگم جاگیردار صاحب کا گھر چھوڑکر چلی جاتی ہے۔‘‘