وہ کتنی جھڑکیاں کھاتے ہیں صبح و شام بیوی کی

مگر واعظ کو دیکھا آپ نے آہ و فغاں کرتے

تین بیٹے تھے خدا کے فضل سے میرے مگر

انا للہ آخری بیٹا بھی شاعر ہو گیا

مسئلہ ہو سامنے تو اس کا حل بھی چاہئے

جب گلا اچھا ہو تو اچھی غزل بھی چاہئے

منہ اپنا ایک بار جلا تھا جو دودھ سے

پینے لگے ہیں پھونک کے مٹھا تبھی سے ہم

اٹھایا جس نے بھی جوتا بڑھایا سر ہم نے

قصوروار بس اپنا ہی سر لگے ہے ہمیں

خوشبو مرغ آتی ہے ہر لفظ لفظ سے

کرتے ہیں گفتگو جو کسی مولوی سے ہم

بڑا احسان ہے بیگم سدھارا آپ نے مجھ کو

وگرنہ زندگی کٹتی مری خر مستیاں کرتے