عمر بھر عہد تعلق کے نگہدار رہے

اپنے بارے میں کوئی خواب نہ دیکھا ہم نے

جو تو نہیں ہے تو لگتا ہے اب کہ تو کیا ہے

تمام عالم وحشت یہ چار سو کیا ہے

ہر ایک آنکھ میں آنسو ہر ایک لب پہ فغاں

یہ ایک شور قیامت سا کوبکو کیا ہے

ہماری فتح کے انداز دنیا سے نرالے ہیں

کہ پرچم کی جگہ نیزے پہ اپنا سر نکلتا ہے

ہمیں پہ ختم ہیں جور و ستم زمانے کے

ہمارے بعد اسے کس کی آرزو ہوگی

بہت سی باتیں زباں سے کہی نہیں جاتیں

سوال کر کے اسے دیکھنا ضروری ہے

عمر بھر ملنے نہیں دیتی ہیں اب تو رنجشیں

وقت ہم سے روٹھ جانے کی ادا تک لے گیا

مدعا اظہار سے کھلتا نہیں ہے

یہ زبان بے زبانی اور ہے

جنہیں تاریخ بھی لکھتے ڈرے گی

وہ ہنگامے یہاں ہونے لگے ہیں

اب کسی اور کا تم ذکر نہ کرنا مجھ سے

ورنہ اک خواب جو آنکھوں میں ہے مر جائے گا

ستاروں کی طرح الفاظ کی ضو بڑھتی جاتی ہے

غزل میں حسن اس چہرے کی تابانی سے آیا ہے

کتابوں سے نہ دانش کی فراوانی سے آیا ہے

سلیقہ زندگی کا دل کی نادانی سے آیا ہے