apnā jiinā ek dhokā apnā marnā ik fareb

zindagī se zindagī kī tarjumānī ho to kyā

apna jina ek dhoka apna marna ek fareb

zindagi se zindagi ki tarjumani ho to kya

sard ho saktā nahīñ sargarm insāñ kā lahū

hādisāt-e-nau-ba-nau meñ zindagānī ho to kyā

sard ho sakta nahin sargarm insan ka lahu

hadisat-e-nau-ba-nau mein zindagani ho to kya

kuchh nahīñ hai tire hāthoñ meñ lakīroñ ke sivā

baat nāseh kī hai lekin ḳhat-e-taqdīr bhī hai

kuchh nahin hai tere hathon mein lakiron ke siwa

baat naseh ki hai lekin KHat-e-taqdir bhi hai

fareb khaa.e na kyuuñ kar kisī kā saada dil

zamāna-sāz nigāhoñ se āshnā to nahīñ

fareb khae na kyun kar kisi ka sada dil

zamana-saz nigahon se aashna to nahin

hujūm-e-nāz meñ jalva-farebiyoñ ke sivā

'kalīm' aur koī hādisa huā to nahīñ

hujum-e-naz mein jalwa-farebiyon ke siwa

'kalim' aur koi hadisa hua to nahin

ġham natīja hai ḳhushī kī intihā kā ai 'kalīm'

dil kī ik ik mauj mauj-e-shādmānī ho to kyā

gham natija hai KHushi ki intiha ka ai 'kalim'

dil ki ek ek mauj mauj-e-shadmani ho to kya

kis tarah ishq-e-majāzī ko haqīqī kar luuñ

sāmne tū hai baġhal meñ tirī tasvīr bhī hai

kis tarah ishq-e-majazi ko haqiqi kar lun

samne tu hai baghal mein teri taswir bhi hai

dahr kī fazāoñ meñ kaun raqs kartā hai

kaun kar rahā hai yuuñ aap apnī rusvā.ī

dahr ki fazaon mein kaun raqs karta hai

kaun kar raha hai yun aap apni ruswai

kahīñ girī to hai bijlī zarā nazar kiije

kisī ġharīb kī palTī huī duā to nahīñ

kahin giri to hai bijli zara nazar kije

kisi gharib ki palTi hui dua to nahin

hamārā maqsad-e-avval hai jazb-e-shauq-o-sar-mastī

yahī vo zindagī hai jis ko ham kāmil samajhte haiñ

hamara maqsad-e-awwal hai jazb-e-shauq-o-sar-masti

yahi wo zindagi hai jis ko hum kaamil samajhte hain

chheḌtī hai mujhe aa aa ke mirī āzādī

go maiñ qaidī huuñ mire paañv meñ zanjīr bhī hai

chheDti hai mujhe aa aa ke meri aazadi

go main qaidi hun mere panw mein zanjir bhi hai

sard aahoñ kā tasarruf ho to soz-e-dil kahāñ

dil se jo sho.ala uThā vo bhī dhuāñ bantā gayā

sard aahon ka tasarruf ho to soz-e-dil kahan

dil se jo shoala uTha wo bhi dhuan banta gaya

jaane kyā bhar dī haiñ us ne is chaman meñ shoḳhiyāñ

jo bhī aayā vo chaman kā rāz-dāñ bantā gayā

jaane kya bhar di hain us ne is chaman mein shoKHiyan

jo bhi aaya wo chaman ka raaz-dan banta gaya

tumhīñ batāo ki is dil kā kyā kiyā jaa.e

jo choT khā ke bhī choToñ se āshnā na huā

tumhin batao ki is dil ka kya kiya jae

jo choT kha ke bhi choTon se aashna na hua

ham to baiThe hī rahe apnī asīrī ko liye

banñe vaalā kaam be-vahm-o-gumāñ bantā gayā

hum to baiThe hi rahe apni asiri ko liye

banne wala kaam be-wahm-o-guman banta gaya

sitāre toḌ liye ham ne zuhd-o-taqvā ke

magar jo haqq-e-ibādat thā vo adā na huā

sitare toD liye hum ne zuhd-o-taqwa ke

magar jo haqq-e-ibaadat tha wo ada na hua

ḳhud ḳham-o-pech tujhe raah ke batlā deñge

terī Thokar meñ tirā sūd-o-ziyāñ hai ki nahīñ

KHud KHam-o-pech tujhe rah ke batla denge

teri Thokar mein tera sud-o-ziyan hai ki nahin

nāra-e-dār-o-rasan hādisa-e-kaun-o-makāñ

ḳhufta-jānoñ ke liye ḳhvāb-e-girāñ hai ki nahīñ

nara-e-dar-o-rasan hadisa-e-kaun-o-makan

KHufta-jaanon ke liye KHwab-e-giran hai ki nahin