مہر زریں کی شاعری

مہر زریں کے اشعار

بستی میں بھی کچھ ایسے اندھیرے ہیں جہاں پر

جھلسے ہوئے جسموں کا شبستان ہیں سڑکیں

یہ عرش سے آنا تو آغاز محبت تھا

اب فرش پہ آئے ہیں انجام سے کھلیں گے

آپ جو چشم تر ہو گئے

سارے غم معتبر ہو گئے

فنا کے ہوش فنا ہیں ہماری وحشت سے

وہ ہوں گے اور کہ جن پر فنا کا زور چلے

مقام آدمی کچھ کم نہیں ہے

فرشتوں سے تو کم آدم نہیں ہے

دل میں مری وحشت نے پر جتنے نکالے تھے

میں نے انہیں بل دے کر زنجیر بنائی ہے

روشن ہے درخشاں ہے ہر اشک غریبوں کا

بس ان کی بدولت ہی ہر گھر میں دوالی ہے